Цревна микрофлора: Заборавениот орган

Во нашето тело живеат 10-100 трилиони микробни клетки.¹ Повеќето од нив се наоѓаат во цревата, каде што формираат жив екосистем, познат како микрофлора.¹

Цревната микрофлора најчесто е составена од бактерии, но исто така вклучува и други организми, како габи, квасни габи, археи и вируси.¹ Понекогаш се нарекува и „заборавениот орган“², бидејќи микрофлората многупати се однесува како орган.³ Метаболната активност на бактериите во нашите црева помага во сè: од варење на храната до заштита на нашето тело од токсини^3,4. Цревната микрофлора помага во формирање на нашиот имунолошки систем³ и влијае врз расположението.^5,6

Важноста на рамнотежата

Сепак, лесно е нашата цревна микрофлора да излезе од својата синхронизираност. Болест или антибиотска терапија може да влијае врз составот на корисните бактерии во нашите црева.⁴ Стресот, недоволната физичка активност и исхраната можат, исто така, да ја нарушат рамнотежата во нашите црева.^6,7

Па, тогаш, што се пробиотици?

Пробиотиците се дефинираат како „живи микроорганизми кои, кога се даваат во соодветни количини, позитивно влијаат на здравјето на домаќинот⁶. Зборот доаѓа од грчкиот збор „pro“, кој значи „за“, и зборот „biotic“, кој значи „живот“. Пробиотиците се добри и корисни бактерии, кои го подобруваат здравјето, а самите по себе не се штетни.⁸

Линекс пробиотикот се состои од живи лиофилизирани млечнокиселински бактерии од некои од најпознатите и најмногу проучувани пробиотски соеви⁹, вклучувајќи Lactobacillus, Bifidobacterium и Enterococcus faecium.

Високо квалитетните пробиотици имаат многу поволности:

Помагаат во борба со цревни инфекции

Пробиотикот најчесто се користи за лекување акутна дијареа, која е причинета од бактериска или од вирусна инфекција. Клиничките испитувања покажуваат дека пробиотиците ја намалуваат дијареата кај возрасни и деца.^8,10 Пробиотска терапија, исто така, може да помогне и во состојби каква што е синдром на иритабилно црево (IBS), па дури и во хронични состојби, каква што е Кроновата болест.¹¹ Исто така, го подобруваат имунитетот и превенираат појава на инфекции.⁶

Превенција на дијареа поврзана со земање антибиотска терапија (AAД)

Антибиотиците се создадени да ги уништат бактериите што предизвикуваат болест, каква што е Лудвигова ангина^12,13. Меѓутоа, истовремено тие ги уништуваат и корисните бактерии во нашиот дигестивен систем. 5 - 35% од луѓето што земаат антибиотици имаат дијареа поврзана со земање на антибиотска терапија (AAД). Пробиотиците може да спречат појава на дијареа поврзана со земање на антибиотска терапија (AAД) и да ја вратат нормалната рамнотежа на нашата микрофлора при антибиотската терапија.^14,15,16

Патувајте самоуверено

При посета на различни земји, често се случува да се добие дијареа што се јавува при патување (ПД).¹⁷ Во 80 - 85% од случаите, причина за ваквата дијареа е бактерија, кога е присутна во водата, а на која нашиот организам не е навикнат, па се јавува дијареа.¹⁸ Пробиотиците се корисни сопатници, бидејќи ги засилуваат нашите црева и помагаат во борбата со бактериите што се причина за болести. Пробиотиците може да се земаат и пред патување за да се спречат шансите да се добие дијареа што се јавува при патување.¹⁸

Олеснете ги гастроинтестиналните нарушувања

Цревната микрофлора помага во разложување на храната во цревата и поттикнува здрава дигестија.^3,4 Доколку бактериите во нашата микрофлора излезат од рамнотежа, т.е. се намалува бројот на корисните бактерии, а се зголемува бројот на патогените бактерии, може да дојде до стомачни проблеми, како на пример: гасови, кркорење, абдоминална болка и дијареа.⁴ Пробиотиците помагаат во враќање на рамнотежата на нашата микрофлора¹⁸. Тие помагаат во олеснување и на други гастроинтестинални/стомачни нарушувања, какви што се констипацијата и надуеноста.¹⁹

1 Ursell L, et al. Nutr Rev. 2012;70(1): S38–S44
2 O’Hara A, et al. EMBO. 2006;7(7):688-689
3 Ciorba MA. Clinical gastroenterology and hepatology. 2012;10(9):960-968
4 Zhang YJ, et al. Int Journ of Mol Sci. 2015;16(4):7493-7519
5 Messaoudi M, et al. Br J Nutr. 2011;105:755–764
6 Conlon M, et al Nutrients. 2015;7 :17-44
7 Bailey M, et al. Brain, Behavior and Immunity. 2011; 25(3):397–407
8 Allen SJ, et al. Coch Datab of Syst Rev. 2010;11
9 Rolf R, et al. J. Nutr. 2000:130(2);396S-402
10 Sazawal S, et al. Lancet. 2006;6(6);374–382
11 Harvard Health Publications, Health benefits of taking probiotics, http://www.health.harvard.edu/vitamins-and-supplements/health-benefits-of-taking-probiotics, accessed March 2016
12 Mayo Clinic, Antibiotic-associated Diarrhea, http://www.mayoclinic.org/diseases-conditions/antibiotic-associated-diarrhea/basics/causes/con-20023556. Accessed June 2016
13 MedicnePlus, https://www.nlm.nih.gov/medlineplus/ency/article/001047.htm. Accessed June 2016
14 Sanders ME. Clin Infect Dis 2008; 46:S58–61
15 Johnston BC et al. Cochrane Database Syst Rev. 2011 : 11
16 D'Souza AL et al. BMJ. 2002;324:1-6
17 McFarland L, Travel Med Infect Dis. 2007; 5(2): 97–105
18 Mitsuoka T, et al. Asia Pac J Clin Nutr. 1996;5(1):2-9
19 Quigley EMM, et al, Neurogastroenterology & Motility. 2007;19 (3):166–172