Ослободување од стрес и постигнување рамнотежа

Животот денес е мошне брз и стресен, особено за семејства со мали деца. Вообичаено е и двајцата родители да работат надвор од домот и да треба да ги земаат децата од училиште, да готват семејни оброци и да имаат бесконечна листа на обврски, која бара многу трчкање наоколу.

Воопшто не изненадува фактот што појавата на синдромот на хроничен замор е висок кај жени на возраст помеѓу 30 и 39 години и за негова најверојатна причина се смета стресот.¹

Надминување на стресот и заморот

Се смета дека стресот најчесто се јавува кај лицата на високи работни позиции. Но, мајките на мали деца знаат дека без разлика што наложува нивната работа, нивото на стрес се зголемува со бескрајните непроспани ноќи и грижата за децата.

Подигнувањето на семејство е една од најблагодарните работи на светот – и морате да прифатите дека одвреме-навреме ќе ви биде тешко. Но што можете да направите вие за да си ги олесните работите?

Добрата вест е дека и малите промени можат да направат големи разлики:

• Поспијте малку подолго – дури и „дремка“ од неколку минути во текот на денот може да ви помогне.
• Јадете повеќе свежа храна – овошјето и салатата од свеж зеленчук не бараат голема подготовка, а може да се послужат со секој оброк.
• Пијте повеќе вода – целете кон 1,500 мл. на ден плус дополнителни течности.
• Додајте мала физичка активност на свеж воздух – само 30 минути брзо пешачење неколкупати неделно може да ви го зголеми енергетското ниво.
• Размислете за дополнително внесување витамини/минерали.
• Размислете за земање пробиотски додаток.

Секому му се познати овие промени во начинот на живот – но пробиотици? Како може тие да помогнат?

Пробиотиците, стресот и менталното здравје

Пробиотиците се „пријателски“ бактерии, кои го подобруваат здравјето². Тие помагаат во враќањето на рамнотежата меѓу добрите и лошите бактерии во нашите црева³. Имаат многу здравствени придобивки во превенцијата и лекувањето на дијареата, го стимулираат имунолошкиот систем и ја зголемуваат отпорноста кон инфекција³.

Најизненадувачка вест е што сегашните испитувања покажуваат дека пробиотиците имаат значително влијание на менталното здравје:

• Пробиотиците го подобруваат расположението: Едно истражување од 2007 год. покажа дека кај луѓе кои имаат ниско основно расположение, е забележано дека од „депресивни“ станале среќни по дневен третман со јогурт богат со пробиотски бактерии.⁴
• Пробиотиците ја намалуваат анксиозноста кај луѓе со синдром на хроничен замор: Пациенти со овој синдром покажаа значителни подобрувања во поглед на анксиозноста по третман со пробиотици во период од два месеца.⁵
• Пробиотиците ја намалуваат анксиозноста кај здрави луѓе: Друго испитување, спроведено во 2011 год., покажа дека кај здрави волонтери кои земале пробиотици има значително намалување на анксиозноста и психолошката вознемиреност во споредба со пациенти што земале плацебо.⁶

Пробиотиците и оската стомак-мозок

Целосната причина зошто пробиотиците може да влијаат на расположението е поради оската стомак-мозок⁷. Ова е двонасочен процес, каде што мозокот комуницира со стомакот и обратно^8,9.

Доколку почнете да размислувате за ова тема, ќе сфатите дека е вистина. Колку пати сте биле навистина вознемирени или под стрес и сте почувствувале мачнина или сте се здобиле со болки во стомакот? И кога последен пат имавте болки во стомакот, дали забележавте дека тоа ве прави лошо расположени или ви го намалува расположението?

Типот на бактерии што ги имаме во нашиот стомак може директно да влијаат врз оската стомак-мозок, и ваквото знаење отвора нови можности за лекување.⁹

Квалитетни пробиотици – едни од најлесните промени за квалитетен живот

Земањето пробиотици може да ви го подобри гастроинтестиналното здравје³ и, исто така, постои можност од нив корист да имаат и вашиот мозок и нервен систем.

И, за разлика од другите промени во стилот на живеење за намалување на стресот и исполнување на барањата што ги бара презафатениот начин на живот, за земање на вашиот дневен пробиотик со голтање капсула, потребни ви се неколку секунди.

1 Bakken IJ et al. BMC Medicine. 2014;12:167.
2 Allen SJ, et al. Cochrane Database of Systematic Reviews 2010;11
3 Mitsuoka T. Asia Pac J Clin Nutr. 1996;5(1):2-9
4 Benton D et al. Eur J Clin Nutr. 2009 ;61:355–361
5 Rao AV et al. Gut Pathog. 2009;1:6
6 Messaoudi et al. Br J Nutr. 2011;105:755–764
7 Conlon M, et al Nutrients. 2015;7 :17-44
8 Bercik P, et al. Neurogastroenterol Motil. 2012;24:405–413
9 Saulnier DM. Gut Microbes. 2013;4(1):17-27