Здрава рамнотежа на нашата микрофлора

Нашиот дигестивен систем е исполнет со 10-100 трилиони микробни клетки¹, кои заедно се познати како цревна микрофлора. Овие бактерии помагаат во сè: од варење на храната до формирање на нашиот имунолошки систем².

Цревнaта микрофлора содржи многу организми, какви што се: бактерии, габи, квасници и археи³, но сепак околу 90% од микрофлората се состои од бактерии.⁴ Бактериите честопати предизвикуваат страв и на нив се гледа како на нешто лошо, зар сепак тие не се штетни? Па нели сите ние во домовите имаме производи специјално наменети за уништување „бактерии“ и „штетници“, со цел да си го заштитиме семејството? Како може бактериите да се добри и зошто би ни биле потребни?

Вистина е дека штетните бактерии може да предизвикаат болест.⁵ Но, штетните бактерии формираат само еден мал дел од видовите што живеат во нашиот стомак. Исто така, постојат и корисни бактерии, коишто се многу полезни.⁶

Кај здрави лица микрофлората е во добра рамнотежа, и корисните бактерии се доминантни:⁶

Дали сте знаеле дека?

• Како бебе, сте дошле на свет речиси без никакви бактерии во вашето тело. Но, само за неколку дена, вашите црева стануваат населени со моќен и комплексен екосистем од корисни бактерии.⁷
• Мајчиното млеко има состојки што го потпомагаат растот на бифидобактерии, кои помагаат во заштитата на новороденчињата од патогени бактерии.⁸
• Соодветното создавање на вашата микрофлора кога сте млади, како и нејзино одржување во текот на животот, би го намалило ризикот од заболувања.⁹
• Вашата цревна микрофлора е единствена за вас и никој друг нема ист состав на микрофлора како вас на ист начин како што отпечатокот од прстите е уникатен за секоја личност.¹⁰
• Корисните бактерии во вашата микрофлора се важен извор на витамини од групите Б и K.²
• Вашата микрофлора може да помогне во варењето на влакна и лактоза.¹¹ Исто така, помага во регулирање на перисталтиката на цревата, произведува дигестивни ензими и има и други функции, каква што што е генерирањето цревни гасови⁵.
• Вашата микрофлора игра важна улога и во заштитата од болести. Заемно дејствува со вашиот имунолошки систем и го заштитува^2,5. Исто така, помага во блокирањето надворешни патогени и го спречува растот на штетни бактерии кои живеат во вашите црева.¹²

Рамнотежата е тешко да се задржи

Да се има здрава цревна микрофлора во дигестивниот систем е одлична работа – но таа може и да се наруши. Стресот, пушењето, недоволната физичка активност, како и исхраната што изобилува со заситени масти, може да ја нарушат рамнотежата на цревната микрофлора⁵, а тоа може да го стори и антибактериска терапија¹³.

Пробиотиците може да ја обноват и да ја одржат рамнотежата на вашата микрофлора⁶.

Квалитетни пробиотици се одлична вест

Пробиотиците се „живи микроорганизми кои, кога се даваат во соодветни количини, на домаќинот му носат здравствена корист “⁵. Најчестите пробиотици се составени од корисни бактерии⁵. Тие се користат како додаток на цревната микрофлора кога е надвор од рамнотежа⁶.

Терапевтските пробиотици нудат ветувачка можност во лекувањето на некои гастроинтестинални заболувања. Во нив се вбројува дијареата поврзана со земање антибиотска терапија, како и акутната дијареа¹⁴. Исто така, може да се користат за гастроинтестинални проблеми, како што е надуеноста.¹⁵

Други начини да се одржи рамнотежата

Покрај земањето пробиотици, постојат и други начини што може да ѝ помогнат на цревната микрофлора да ја одржи рамнотежата, како и да ја подобрат нашата општа благосостојба:

Вежбање: Редовното вежбање може да ви помогне да влијаете на составот на цревната микрофлора и може да ги намали типовите бактерии што придонесуваат за прекумерна дебелина.³

Исхрана: Исхрана богата со масти може да резултира со промена на микробната населеност во вашето тело.³ Намалувањето на мастите во вашата исхрана може да помогне во одржувањето на микрофлората во рамнотежа, што е погодно за вашето здравје. На пр.: заситените масти може да го зголемат бројот на инфламаторни цревни микроби.³

Релаксација: Стресот може да го намали бројот на потенцијално корисните бактерии - Lactobacillus, во вашата цревна микрофлора.³ Предлагаме да одвоите десетина минути за вас и да практикувате техники за релаксација, какви што се јогата и медитацијата.

1 Ursell L, et al. Nutr Rev. 2012;70(1):S38–S44.
2 Ciorba MA. Clinical gastroenterology and hepatology. 2012;10(9):960–968.
3 Hoffman C, et al. PLOS ONE. 2013;8(6):1–12
4 Qin J, et al. Nature. 2010 4;464(7285):59–65
5 Conlon M, et al Nutrients. 2015;7:17-44
6 Mitsuoka T. Asia Pac J Clin Nutr. 1996;5(1):2–9
7 Jost T, et al. PLoS One. 2012;7(8)
8 Liepke C, et al. The Febs Journal. 2002;269(2):712–718
9 Rodriguez JM, et al. Microb Ecol Health. 2015;26(10)
10 Gut Microbiota for health. Available at: http://www.gutmicrobiotaforhealth.com/en/your-microbiome-is-like-a-unique-fingerprint. Accessed June 2016
11 Gorbach SL. Microbiology of the Gastrointestinal Tract. Baron S, editor. Medical Microbiology. 4th edition (1996).
12 Kamada N, et al. Nat Immunol. 2013;14(7):685–690
13 Sanders ME. Clin Infect Dis. 2008;46:S58–S61
14 Sazawal S, et al. Lancet. 2006 :6(6);374–382
15 Quigley EMM & Flourie B. Neurogast & Mot. 2007;19(3):166–172